为香港人打气的TVB节目《香港唱好演唱会》昨晚在电视城录影，全台90位艺员倾巢而出，包含陈豪、陈展鹏、李佳芯、黄智雯、高海宁、陈庭欣、刘佩玥与江嘉敏等，虽然一众小生花旦齐集，但小花江嘉敏因陷入桃纠纷而成为追访目标！

无线小花江嘉敏与电竞公司高层Anthony拍拖以来感情稳定，但今日有报导指佢搭上Anthony好朋友兼生意人X先生，其WhatsApp截图流出，除叫对方以50万打本畀佢做生意外，又指二人夹计瞒住Anthony，以公干为理由齐齐飞去日本“偷食”。

.....................................................................................

.....................................................................................

开名斥爆料者断章取义

江嘉敏今日喺社交网反击，力证同男朋友感情冇受影响，更指估到有呢日发生，开名怒闹爆料者，她说：“你点搞我同男朋友呢，都唔会有任何影响嘅，不过呢，你系都要冇野（嘢）揾野（嘢）玩，搞下（吓）我屋企，又搞下（吓）我工作呢，我就真系会嬲喇！我同男朋友都预咗呢一日，你会cap头cap尾，又话我沟你又话我呃你钱！够胆就唔好cap头尾，畀全部野（嘢）人哋睇嘛！仲要够胆做，唔够胆面对！嗱嗱声block晒我同我男朋友！其实都知你咩事㗎喇！X咩先生丫（吖）扮神秘？王ＸＸ先生！成日都话想出名，好啦，如你所愿喇！”

...............................................................

但她亦忍不住继续闹报料者行为匪夷所思，她说：“佢都唔系第一次骚扰我哋，仲有骚扰身边嘅朋友，后来我喺ig出po后，朋友叫我小心呢个人，但实在太迟，哈哈…已经发生今日呢件不愉快事件！呢个人好奇怪，话我呃佢去日本旅行散心，我讲番一个例子，事缘佢话同朋友开公司，想请艺人去日本一个Event，我话唔可以贸贸然话你开公司我就去，要有齐资料证明，我叫佢准备邀请卡、海报咁，等我畀公司睇，再叫经理人夹期同埋夹价钱，我仲会带化妆、助手去，因为工作通常会带埋去，我都有同男友讲，话王先生有呢件事，请我去Event，佢都同意我做法，但演变成咁，话我呃钱要佢请我去旅行，真系匪夷所思，唔明点解佢会咁讲！”

王浩信避忌　眼尾都唔望

江嘉敏再爆是非，曾与她传绯闻的王浩信明显“连结距离”！节目大合唱环节时，两人获放置企在同一行，虽然只相隔两个身位，但他全程冇望向江嘉敏的方向，亦没有接受媒体访问，十分避忌；相反，江嘉敏非常活跃，不时撩身边的“人夫”黎诺懿与谭俊彦倾偈，完全没因桃事件影响心情。